 ...    |
Hannes Sigurðsson (f. 1960) er upphafsmaður, umsjónarmaður og sýningarstjóri @-verkefnisins.Hannes lauk stúdentsprófi frá MH 1979, stundaði nám við Tónlistarskólann í Reykjavík og lauk þaðan lokaprófi flautuleik 1984, stundaði nám við Myndlista- og handíðaskóla Íslands frá 1980 og lauk þaðan prófum 1984, lauk BA-prófi í myndlist 20. aldar frá listfræðideild University College London 1988, og MA-prófi frá listfræðideild Kaliforníuháskóla í Berkeley 1990. Að námi loknu stundaði Hannes sýningarstjórnun fyrir Mokka -kaffi og skriftir um myndlist í New York 1990-95, einkum fyrir Morgunblaðið, auk þess sem hann lagði stund á þýðingar. Eftir heimkomuna starfrækti hann eigin sýningarsal, Sjónarhól, og var menningarfulltrúi og sýningarstjóri Menningarmiðstöðvarinnar Gerðubergs 1995-97, en þar stofnaði hann til Sjónþinga Gerðubergs. Í árslok 1997 kom hann á fót Íslensku menningarsamsteypunni ART.IS, sem hann hefur rekið síðan. Hannes er einnig forstöðumaður Listasafnsins á Akureyri frá júlí 1999. Þá hefur hann sömuleiðis skipulagt innslög um myndlist fyrir menningarþáttinn Mósaík frá 1999, setið í úthlutunarnefnd starfslauna úr Launasjóði myndlistarmanna 1996 og verið fulltrúi í fulltrúaráði Listahátíðar í Reykjavík 1994-96. Hann var útnefndur til DV verðlauna 1997 og 1998. Hannes hefur staðið að tæplega 190 myndlistarsýningum og margvíslegum verkefnum, mörgum mjög viðamiklum, og gefið út fjölmargar bækur, bæði á eigin vegum og í nafni ART.IS. Má þar nefna Eitt sinn skal hver deyja (1996), Flögð og fögur skinn (1998), Lífæðar (1999), Heimur kvikmyndanna (1999) og Hláturgas (2000). Hannes Sigurdsson studied art history at University of California at Berkeley (1988-1990, MA) and University College London (1985-1988, BA Honours). He also holds a degree from The Icelandic College of Art and Crafts (1980-1984, Department of Painting) and The Reykjavik College of Music (1974-1984, Department of Woodwinds). Working as a writer and independent curator in New York (1990-94) and Reykjavik, Mr. Sigurdsson has curated over 180 exhibitions that have included such artists as Jenny Holzer, Peter Halley, Joel-Peter Witkin, Ilya Kabakov, Bob Flanagan, Louise Bourgeois, Barbara Kruger, Orlan, Matthew Barney, Sally Mann, Komar and Melamid, Carolee Schneemann and Andres Serrano. Mr. Sigurdsson was the director of Exhibitions at the Municipal Cultural Center of Reykjavik (1995-97) and the director of Gallery Sjonarholl (1996-97), and in 1997 he founded The Icelandic Cultural Enterprise ART.IS. Mr. Sigurdsson is also the director of the Akureyri Art Museum. |
