 ...    |
Gjörningaklúbburinn Dóra Ísleifsdóttir, Eirún Sigurðardóttir, Jóní Jónsdóttir og Sigrún Hrólfsdóttir Gjörningaklúbburinn vinnur út frá fjölbreytilegum hugmyndum og í öll þau efni sem henta best hverri hugmynd fyrir sig. Með því að taka þátt í að byggja @-heiminn hefur Gjörningaklúbburinn fært sér í nyt möguleika tölvuleikjaformsins. Til þess að geta spilað leikinn þarf leikmaðurinn að velja sér ásýnd. Þessi ásýnd er stálgrá, kynlaus mannsmynd. Tærnar aðeins tvær á hvorum fæti og fingur á hvorri hönd þrír. Höfuðið nemur hljóð og sér án þess að hafa augu. Gjörningaklúbburinn hannaði þessa persónu með það í huga að sem flestir gætu samsamað sig henni. Svæðið sem þú kemur fyrst á kallast Almenningur, þaðan liggur leiðin í hina ýmsu dilka sem reyna að tæla þig til sín á mismunandi hátt. Uppspretta/dilkur Gjörningaklúbbsins í almenningnum tælir þig til sín með því að sýna þér hina ægifögru gaddahnoðra, mjúka hnoðra með göddum. Ef þú lætur freistast lendir þú í lystisemdum Gaddahnoðradalsins.Gaddahnoðradalurinn á eftir að hafa varanleg áhrif á skynjun þína á Móður jörð. Ert þú tilbúin(n) til þess að taka þá áhættu? Ef þú stingur þér á kaf í uppsprettuna getum við lofað þér unaðslegu ævintýri. Þessi heimshluti er blanda af litabókalegu sakleysi og raunveruleika þar sem allt er mögulegt. Ævintýrið hefst þegar þú þarft að velja þér einn af hinum forboðnu ávöxtum af gaddahnoðra-trénu, en það er ekki hættulaust. Þú hefur valið. Ef þér tekst að komast áfram bíða þín nýir möguleikar. Þú þarft sífellt að taka ákvarðanir. Taktu þá réttu. Þú ert nú vonandi komin(n) í fagran fjallasal. Hvað heillar mest? Íðilfögur hafmeyja á steini, nýtískulegur bóndabær eða hellismunni? Við leggjum áherslu á að þú fylgir þínu eðli og veljir samkvæmt því. Eftir að hafa þreifað þig áfram um hinn kyngimagnaða dal í nokkra stund áttu eftir að líta fagra fjallasali öðrum augum. Það mun brátt koma í ljós hvað í þér býr. Gjörningaklúbburinn hefur gert sér far um að blanda saman hátækni og náttúru í @-heiminum með áherslu á þá valmöguleika sem tölvuleikjaformið býður uppá - og ekki síður náttúran og sveitir landsins. THE ONLY VISUAL ARTISTS VISIBLE FROM THE MOON Gjörningaklúbburinn/The Icelandic Love Corporation er skipaður fjórum myndlistarmönnum: Dóru Ísleifsdóttur, Eirúnu Sigurðardóttur, Jóní Jónsdóttur og Sigrúnu Hrólfsdóttur. Þær útskrifuðust allar frá Myndlista- og Handíðaskóla Íslands árið 1996. Auk þess sem þær hafa stundað framhaldsnám í New York, Berlín og Kaupmannahöfn. Valdar sýningar og gjörningar 1996 "Kossagjörningur" Dagsljósi, RÚV "Rannsóknarstofan Á.S.T." Kaffi Mokka, Reykjavík 1997 "Frelsi - Frítími - Fegurð" Gerðubergi, Reykjavík "Global Love" Roter Salon, Berlín "Ice - Fire - Desire" Oslo Band Stand, John Dee, Osló 1998 "Saturday Night at Double Pleasure" Double Pleasure Gallery, New York "Blow Job II" Gekko, Munchen Bryggeriet, Stokkhólmi "A Fresh Start II" Momentum Biennial, Moss, Noregi "Hótel Paradís" -30/60+, Kjarvalsstöðum, Reykjavík 1999 "Æðri verur" Midnight Walkers & City Sleepers, Rauða hverfinu, Amsterdam "Women Good Enough to Eat" (myndband) Get Together, art as teamwork, Kunsthalle Vín 2000 "Von" Nútíma listamiðstöðin í Séte, Frakklandi The Icelandic Love Corporation (ILC) is a group of four artists: Dóra Ísleifsdóttir, Eirún Sigurðardóttir, Jóní Jónsdóttir and Sigrún Hrólfsdóttir. They graduated from the Icelandic College of Arts and Crafts in 1996. Since then they have lived and studied in New York, Berlin, Copenhagen and Reykjavík. Selected exhibitions 1996 "Kiss Performance" National Television, RUV, Iceland "Laboratory L.O.V.E" Café Mokka, Reykjavik 1997 "Freedom - Beauty - Freetime" Gerðuberg Cultural Center, Reykjavik "Global Love" Roter Salon, Berlin "Ice - Fire - Desire" Oslo Band Stand, John Dee, Oslo 1998 "Saturday Night at Double Pleasure" Double Pleasure Gallery, New York "Blow Job II" Gekko, Munchen Bryggeriet, Stockholm "A Fresh Start II" - Momentum, Moss, Norway "Hotel Paradise" -30/60+, Kjarvalsstaðir, Municipal Art Center, Reykjavik 1999 "Higher Beings" Midnight Walkers and City Sleepers, The Red Light District, Amsterdam "Women Good Enough to Eat" (video) Get Together, art as teamwork, Kunsthalle Vienna "Hope" 2000 Center for Contemporary Art in Séte, France |
